:: (تم التعديل) سكون .. إذا بلشت بـ بزر .. ما تقلقش .. دق وصك .. وأنـا جايكْ .. ! ::

,



أمس ما كان في البيت إلا أنا وبزر صغير الله يكفينا شره !

أناظر شدا الله من فضلك .. بلا دشوش بلا خربطة .. ذذ ..

ومتحمس مع أنشودة كانت بمهرجان شدا العام .. !

جت ذيك الرييييحة .. ريحة عطر منتااز مرره بس ريحته منتشره .. توقعت أنّو فيه عطر طاح وانكسر

,


أقوم بجسمي الرشيق .. وأدور عن الريحه .. إلا ويطلع ذاك البزر اللي بالبيت من باب المجلس ..

يناظر بعين ومغمض عين ..

شسالفة ..

أقوله أنت اللي كسر العطر ؟! أو رشيت على البيت كله ؟!

ويغمض شوي .. ويرفع عيونه شوي شوي .. يأشر على جسمه .. همن يفتح اثمه ويغز عليه م1 ..

قلت افتح اثمك .. وأدعس خشيمي .. إلا وأثره هالهدر شاارب عطر .. ذذ



,



وأمسكه من عند رقبته

وأدعسه بالسيارة .. عاد السيارة آجـآر .. يعني اكرف والدينها .. ذذ

أذكر زمان خارج السعودية .. إذا كان فيه شخص مصاب وأنت اللي جايبه بسيارتك .. تدق على الإسعاف .. ويعلمونك حاجات تسويها عشان ما يفقد الوعي أو مكروه لا حصل الله ,

وأزهم ( أكلم ) على الهلال الأحمر ..

يابو الشباب معنا بزر يمكن عمر 4 سنين شرب قارورة عطر كامله الهدر وحنا بالطريق رايحين للمستشفى .. وش نسوي به !

قال الحين هو صاحي وإلا فاقد الوعي ..

ألتفت على هالهدر .. يناظر همن يضحك وينام .. م1 .. سكران هالولد !

قالي وأنت تسوق اضعط على كرشته بشويش ..

وأنت بالطريق عطه ماء خله يشربه [ يبي يدج بنا هالبزر .. أجل ماء من البقالة .. يعني راح ريال كاامل على هالهدر ذا .. ما يستاهل ] !

.
.
.


وأوقف عند أقرب بقالة .. وأشري ماء .. وأفتح اثمه وأحقنه حقن من الماء لين طقت كرشته ..

وأحرك للإسعاف .. يوم وصلت .. جيت أبشيل البزر .. أثره شسمه .. دببببببب .. مليااان مااء عجزت أشيله !

وانغزه لعله يقوم .. ما حولك أحد .. تقول ميت !

وأشوف الشسمه المستشفى مجهزين كل شيء .. سرير ومدري ايش .. ويشيلونه من السيارة ..



.
.
.


بعد ساعتين وأنا واقف .. ما قعدت .. وقوفي كله موب حرص على الولد .. ما لقيت كرسي أقعد به .. وإلا تسان أقعد !


يناظر ذاك الطبيب المصري اللي صراحة حقدت عليه .. قالي : أنت أبوه ؟

: لا يبن الحلال أنا مش باباه .. ولا أخوه .. أنا ولد عمه !

يعدل ذيك النظارات الصفراء التسبيرة : ممم .. طيب هو الحين .. شسمه .. ما ندري عنه .. نايم مدري فاقد الوعي !

: يقلع شيطانك .. شلون ما تدري .. وشوله أجل أنت محطوط بذا .. >_<

: اهدأ وتعال عندي بالمكتب !

[ اكشششششخ .. أجل تعال للمكتب .. تقول مسلسلات .. ذذ ]


: بص يا ابني .. كل الناس بتشرب عطور ومش عارف ايه .. بس الحمد لله .. احنا راح نغسل المعده .. وراج يجلس يومين عندنا !


: طيب يا دختور .. الولد سكران .. يناظرن بعين .. ويضحك .. بعدين يرجع ينام .. بعدين يصحى .!


: لا ما تخفش يا ابني .. دي حالة حتروح إن شاء الله ..


: طيب متى تبي تغسلون المعدة [ أتوقع انهم يجيبون ليْ .. ويدعسونه باثمه .. ويشغلون الماء .. ويغسلون المعدة ] !


: إن شاء الله دلوأتي !


: طيب عن أذنك يا دختور .. برب .. ذذ !




,



وأروح للسيارة .. اثر الجوال هناك من يوم ما دخلت المستشفى .. العصر .. مكالمات لم يرد عليها !


: السلام عليكم .. هلا يا عم .. تعال شف ولدك بالمستشفى شرب عطر الهدر .. ايه بالتخصصي .. يالله عجل علينا ترا مليت م1 !



,


وأرجع للبيت الساعة 1 بالليل .. !

والحمد لله افتكينا من هالبزر .. زاد أنا قايلن لعمي خذه معك .. بس ما بيفهمش ..


وصحة هالسكران .. أقصد البزر .. تمام اليوم الحمد لله .. يبي يطلع عاد الليلة .. أنا أقول لو يحطونه تحت الرعاية لمدة 10 سنين نرتاح شوي من لقافته م1 !





أ . ه !

مجنون أموني كتب:

هههههههههههههههههههههههههههههههههه

والله انك رايق الصراحه



تصدق عاد جابك الله وش صار على اللي يبي ريال


ابشرك كملت الربع

وصارو ريال >>>>>ههههههههههههههههههههههههههههههه

{ ..

ههههههههـ ’’

لـآ انتهـيت منه ..

بس طلع لنـآن واحد ثاني .. :$ ..

منور حبيبي مجنون ؛)

.. }

ههههههههههههههههههههههه


اجل عطر !!!

الحمدلله على سلامته

هههههههههههههه


اجل اكلت توهيقه خخخخخخ


الحمدلله على السلامه


تقبل مروري : رينااا

سيكووووووووووووووو

كني قاري هالموقف في ذاك يا سكون :d

عادي تكبر وتاخذ غيره أنت وجسمك الرشيق :seko:

أخوك/ نوماس..