بقول لكم قصة البيبسيه ...
كان فيه واحد ربي منعم عليه بخير وعنده رزق ما شاء الله عليه .... وعنده بنيه مزيونه ....
جاء مره واحد يخطبها من أبوها ... الرجال سنع ما شاء الله وابن حلال ... أعجب فيه الابو ....
بس الولد فيه عذروب بسيط ان حالته الماديه مهوب ذاك الزود .... بس الابو يشتري الرجال ... وافق عليه ... وقال له : انا ربي منعم علي وبخير ... عشان كذا أنا اللي بجهز بنتي لا تدفع لها مهر ..
بس عن قولة .... واذا جاء المملك يملك عليكم ادفع المهر ريال واحد بس .....
الرجال طبعا انبسط ..... هو حد يحصل له ؟؟؟
تزوجوا ومشى حالهم ..... بعد فتره .... صار اذا صار بينهم ابسط مشكله قال لها : روحي بس يالببسيه ... انتي والبيبسيه واحد كلكم بريال ....!!!!! :00:
البنت انقهرت ... هذا جزاء أبوي ؟؟؟؟
واستمر أبو الشباب على ذا الحال ... يالببسيه ... يالببسيه ...
لين حامت كبد البند ووصلت معها بس خافت تقول لأبوها لا يضيق صدره .... قالت لأمها وقالت لها لاتقولين لأبوي ....
الام ما صبرت ... وعلمت الأبو بعلوم الرجال وسواياه .....
انقهر ابوها :587: وقال هذي جزاتي شاري الرجال ولا خذت منه شيء مساعدة له ... صار مهوب كفو ولا يستاهل المعروف .....
كانت البنت عندهم هذاك اليوم .... ويوم جاء رجلها ياخذها في الليل ... قال الابو لبنته لا تطلعين .... وفتح له الباب ... الرجال سلم عليه ... وقال طلعوا لي العيال .... قام الابو وجاب له علبة بيبسي وعطاه إياها .... وقال هذا اللي لك عندنا .... هماك تقول يالببسيه .... هذي الببسيه ... ...:034:
الرجال مات من الفشل وقطعه وجهه .... وقال ياعم لحظه نتفاهم ... الابو قال له ضف وجهك واذا تبي حرمتك جب معك 50 الف ريال وتعال .......:963:
الرجال ... انهبل ... وين يجيب 50 الف منه ..؟؟؟
ما عنده شيء
توهق بعمره ... وبدأ يتسلف وينطل وجهه على الناس .... لييييييييييييييين جمع 50 الف ريال
راح لبيت عمه وعطاه إياه وطلع له حرمته .....
ومن عقبها حرّم سالفة الببسيه ,,,
موضوع: وش قصة البيبسي 
